【點新聞報道】近日有將軍澳街坊在網上發文求助，指屋企洗衣機在運作時突然移位頂住廚房門，導致無法打開，最終要出動五金舖師傅上門解決問題，帖文引發網民熱議。
事主在Facebook「將軍澳主場」群組發文求助網民，表示「今朝洗衫，洗衣機震動移位將門頂住，而家廚房門開唔到，有街坊試過咁樣情況嗎，點解決？」，從其上傳相片中可見，洗衣機有一側打斜移位，剛好緊頂門縫，廚房門僅能打開一點點。
帖文掀起網上熱議，不少網民為事主出謀劃策，直言「用鐵筆撬洗衣機腳埋去」、「伸手入去慢慢推返洗衣機埋牆得唔得」、「有無鐵通之類？伸入去，拗返部機埋牆」、「試下喺門罅搵嘢攝入去再開多次洗衣機，睇下震唔震得返原位」、「拿條鐵或木條伸入去撬部洗衣機入去」、「如果隻手伸到入去嘅相信只可以慢慢左右搖將佢搖返入去」。事主無奈回應稱，「屋企又無呢啲工具，仲諗緊」，指該門能打開的空間有限，「手得兩個手指位」。
最終事主搵五金舖師傅處理，「搵咗師傅兩下搞掂，多謝大家嘅意見」。不少網民好奇是如何打開房門的，「搵咩師傅搞掂？點搞？」，事主分享「佢用工具長鐵條樣，伸入去底撬幾下，洗衣機就撬咗入去」。至於收費方面，樓主回應「原本如果要爆玻璃收$1500，最後用工具可以搞掂收$400」。
另有網民調侃事主，「好彩有道門頂住咋，唔係震到出廳」、「叫師傅留低條鐵，下次自己搞」。有網民建議事主可以開着門使用洗衣機，「開門先洗衫就無事」，還有網民分享類似情況，指「我部都係有時會走佬（尤其是洗床單），每次fling（揈）衫時我都要吼」。
收藏
取消收藏
分享
稿件由上傳 · 文責自負 · 不代表本網立場
