【點新聞報道】不少港人移民外地後，始知道香港原來已是天堂。有移民加拿大的人妻在網上表示，回港放暑假後，有感香港好食、好住、搵錢多，反觀在加拿大則好難向上游，她慨嘆當日「放棄咗份喺香港年年加薪嘅工」，老公亦感後悔「覺得過嚟加拿大好蠢」。
該名移加人妻在社交平台threads發文表示，回港放暑假後，令她思考回流的問題，「經過咗一個幾月喺香港放暑假，老公話覺得過嚟加拿大好蠢，喺香港好食好住，是但做個洗碗都18k，呢度要做二等公民扣埋稅真係唔多」，她並貼出二人回港其間出外用膳的相片，指早餐2份包檸茶，只需64元。
而正中要害的是朋友一句無心的說話，「朋友話：『曾幾何時我都諗住移民加拿大，結果喺香港搵到份好工，起薪25k，一年幾加薪都已經35k，人生最青春嘅十年點解要委屈自己』」。
樓主不禁回想當初移民的決定，「我諗返我都放棄咗份喺香港年年加薪嘅工，嚟到做咗年半加薪多謝晒$0.5（約2.8港元）」。
雖然樓主一開始都好在乎升職加薪，但最近都開始釋懷「因為唔係針對我能力問題，我無辦法控制。大家最近成日話加拿大好難向上游，我都感受到，所以回流都係大家最近成日討論嘅問題。」
有網民留言支持樓主回流，「覺得後悔咪回流囉，真係唔好浪費時間」、「認自己移民失敗好難咩？」、「唔熬得咪唔熬得囉 又要用咩 追求更好生活 去幫自己搵藉口 」。
收藏
取消收藏
分享
稿件由上傳 · 文責自負 · 不代表本網立場
