【點新聞報道】林家謙WhiteSummer演唱會，一直不停被人網上發放不同的預測嘉賓名單，搞笑到有人估白韻琴、陳展鵬、方伊琪，家燕媽媽等等，昨晚第七場，家謙就於Talk位中，笑稱網上面個嘉賓list單「流流地」，又指自己會存起網上一些Haters的貼，用作平衡自己心態。
昨晚來到talk位，分享人人要做到似天氣般，家謙笑道：「生命中好多嘢係控制唔到，似一盒咁，唔知佢幾時打開，幾時關。好似前晚有人將我中學張相放出嚟，我唔建議大家睇，哈哈！今日個嘉賓都係流流地，唔信你一陣睇下，哈哈，總之唔係姓白㗎。呢兩年我自己有個習慣，就好鍾意save起haters嘅post，我唔係小氣亦唔係想做反擊反駁，你見我好少係網上面同人嗌交，我寧願選擇靜靜做返好件事，我save起佢有兩個原因，其中一個係『留底擊傷你的石頭，從錯誤裏吸收』，呢個係《葡萄成熟時》嘅教悔。另一個原因係，呢啲haters，唔鍾意我嘅人係有必要存在，留係到平衡自己心理。好多人係唔鍾意你，林家謙好難聽，唔緊要，好Welcome嘅。照鬧照讚都得嘅，只係我呢一兩年有呢個奇怪習慣，希望做到『所有嘢都要平衡』。」
昨晚家謙請來Kiri T做嘉賓，兩人合唱了《至少做一件離譜的事》後，家謙得戚笑話，「係咪估唔到！哈哈。」Kiri T都笑住話：「我自己都估唔到呀。收到你邀請消息時，即係諗我地有淵源？」繼而Kiri T拿出兩張6年前的BRAND YOURSELF MUSIC PARTY海報，一張是大合照，一張是家謙單人，Kiri T又即時提議，「不如你簽個名啦，海報送比現場觀眾！」繼而二人於台上為海報簽名，愈簽愈開心，再隨機送給現場想要的歌迷，歡樂萬分。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
