【點新聞報道】近日有港女在網上發文大呻，在港鐵香港站ATM機提款，竟撳出一張破損、不完整的500元紙幣，她隨後到涉事銀行要求更換卻遭質疑，引發網民熱議。
女事主於社交平台threads上發文大嘆「真係黑仔」，撳出來的10張紙幣中有一張500元紙幣破損、不完整，「喺香港站嗰個中銀櫃員機，撳咗錢出嚟諗住交費 … 拎出嚟居然有一張$500係咁」。從其上傳相片顯示，紙幣一側有一塊三角形缺口，缺失部分被膠紙修補。
女事主隨即到涉事銀行分行處理，卻遭銀行職員質疑紙幣來源，「o靚仔質疑我張銀紙」、「最主要佢唔信張銀紙喺櫃員機彈出嚟」。女事主當場發飆要求查閉路電視，「我即刻發脾氣，叫佢搵人睇cam，又鬧邊一個入錢落嗰個櫃員機就一清二楚啦」。銀行要求女事主簽署文件，表示需要三個星期至一個月才可完成調查，「如果冇問題先可以入我戶口」。至於事件後續發展，女事主表示「賠返畀我啦」。
帖文掀起網上熱議，不少網民表示十分驚訝，因在ATM機撳出殘缺不全紙幣的概率十分罕見，「爛唔緊要，但無咗角三角形，即唔完整」、「我有撳過啲咁錢出嚟，但冇你呢張咁爛」。還有網民質疑，「咁都入到機？」、「爛到咁點會入到食錢機啊，呢張500好有問題，竟然可以係櫃員機出到......」
亦有網民表示曾遇類似事情，建議事主拿着殘缺不全的紙幣在閉路電視前留影記錄，「第一時間從櫃員機直接拿到CCTV前面，影住畀鏡頭影到張銀紙有問題」。
收藏
取消收藏
分享
稿件由上傳 · 文責自負 · 不代表本網立場
