【點新聞報道】有網民近日在網上分享一宗懷疑ATM的騙案，指其父親在太和廣場ATM提款時，畫面竟自動彈去轉帳頁面，故呼籲大家提高警覺：「盡量留意一下同提醒一下老人家撳錢嘅時候隨時中招。」
有網民在「大埔人大埔谷」fb專頁發文，分享其父親於上周五（22日）在太和廣場ATM提款時疑險遇騙的經歷，當時其父留意到前方男子的舉動，「前面有個男人喺個機撳完，但又冇攞到錢，之後行咗去隔離嘅舖頭扮睇嘢，但一直望住櫃員機方向，咁我阿爸已經留意到呢個人一直望住佢」。
其後，父親上前如常按程序撳錢，未料插卡後，畫面竟自動彈去轉帳頁面，以為自己操作錯誤，取消後再試一次，卻仍然出現相同情況，「阿爸諗住撳錢，佢就發現點解個頁面會去咗轉帳度，佢以為自己撳錯所以取消再撳一次，今次佢撳查詢餘額，但都係彈咗去轉帳頁面」，父親察覺異常，立即取卡並轉往另一部機器提款，該機則運作正常。
然而，令人不安的是該名原本應已離開的男子，在事主父親離開後隨即折返提款機，「我阿爸離開嘅時候佢亦都見到嗰個男人行返去櫃員機度唔知睇啲咩。」樓主呼籲市民提高警覺：「希望大家睇到呢個post之後，盡量留意一下同提醒一下老人家撳錢嘅時候隨時中招。」
帖文引起網民熱議，不少人懷疑該櫃員機被裝了讀卡器，「可能已經喺入卡位裝咗scanner讀取資料」、「請Cut卡/改密碼，可能裝咗card reader」、「之前已經試過㗎喇，佢哋會喺入卡位加個讀卡器喺度，你用完提款機後佢掹走舊嘢，就已經攞咗你啲資料㗎喇！」、「所以最安全係手機app NFC / QR code提款」。
不少網民建議應通知銀行及報警，「呢種情況一定要報銀行或者報警」、「先報警，再通知銀行等佢哋CHECK CCTV 如果有」、「報銀行同cut卡，再報警」。有網民則指這是正常操作，「部機無現金提取就會係咁，直接轉去轉賬畫面，有提示不過可能佢冇留意」。
收藏
取消收藏
分享
