【點新聞報道】香港唱作歌手林家謙一連十場的《White Summer》演唱會昨晚（26日）來到第六場，請來楊千嬅當嘉賓，兩人合唱了《余春嬌》，再跟蔡德才（Jason）重現了《小飛俠》，繼而再合唱《再見二丁目》，帶起不少回憶也感動不少觀眾。
家謙台上多謝千嬅，並坦言非常開心，「今次嘉賓環節，其實我想請一啲我音樂上都很有淵源嘅朋友嚟。你係其中一位，好早時候，你已經係one of其中一位，肯去用我嘅作品，多謝你。」
千嬅坦言，昨晚是第一次同家謙見面，嚴格來說之前兩人是網友，《余春嬌》這首歌亦成為她歌手生涯中一個很重要的里程碑。
家謙又再道出想請千嬅的第二個原因，「適逢我今日音樂總監Jason，當年有同你合唱過。」千嬅開心道「係，Jason，好開心呀，今日來rehearsal的時候見到已經好開心。」家謙說「我覺得呢個真係一個好好嘅Reunion。」
繼而兩人走到Jason面前，坐於舞台上，由Jason彈琴，三人再現《小飛俠》。帶動全場回憶殺，不單舞台上的他們感動，現場不少觀眾也感動不已。
千嬅感動道：「Jason其實寫了很多作品給我，大家耳熟能詳的《飛女正傳》《數你》都是出自佢作品，所以今天很有意思，我好多謝家謙開了這道門俾我哋，好感動，好開心，死啦，我都唔知可以講咩啦！」
千嬅又驚訝家謙有cover過《小飛俠》，「6歲你就聽我啲歌？咁有智慧，我大你一對加5年㗎喎！」家謙又再說，「千嬅好好，《再見二丁目》係我野蠻要唱嘅，呢首歌其實對我來講，係有啲感受，今年年頭有啲唔開心，我就走了去台灣幾日散心，一路都係聽住呢首歌，呢首歌真係好感動我。我發覺原來我並非不快樂，只是我一人未發覺，comfort返自己，所以好多謝你（千嬅）。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
