【點新聞報道】天價小巴！有網民分享影片，顯示凌晨時分有大媽登上一輛從長沙灣開往旺角的綠色小巴47S，但發現車費高達$28後，嚇得立即轉身落車，引起網民熱議。
該網民在社交平台台threads發文表示，「凌晨長沙灣去旺角收$28，嚇到阿姐走夾唔唞」。從其上載的影片可見，一名身穿綠色上衣大媽在長沙灣上車，司機隨即關門開車。大媽問司機「去旺角呀？幾錢？」，未等司機回答就看到八達通機上標示「28元」，驚呼「28 蚊！？唔好閂門。嘩28蚊！」嚇到即時轉身，司機立刻停車開門讓她下車。
帖文引起網民熱議，「28邊有人坐呀，司機冇嘢嘛 」、「長沙灣去旺角要28？」、「$28 ……我落車先，一個地鐵站嘅距離要俾$28 ，不了不了」、「司傅即刻停車開門都犀利 」、「乜咁狼死嘅咩，我平時屯門返尖沙咀先$25」、「直情係搶錢」、「都係行路算」。
樓主其後留言解釋47S小巴不設分段收費，「呢架係47S綠頂，屯門出旺角$28，九龍去旺角都係$28，不設分段收費」。原因曝光後，不少網民表示理解，認為「長沙灣出旺角更係搭N241(巴士)」。
收藏
取消收藏
分享
稿件由上傳 · 文責自負 · 不代表本網立場
