【點新聞報道】英國港人移民圈最鍾意圍爐自嗨，近日有移英港男在網上發文力數「移英港豬第七宗罪」，直指自己短短喺英國兩年，留意到身邊嘅人和事，都反映當地好多香港人都弱智。
該名移英港男在社交平台threads發文力數「移英港豬第七宗罪」，第一宗罪「當移英Youtuber係神」，指「最恐怖係好多移英港豬係屋企咁loop依堆片，當收音機洗自己個豬腦，題材大部分唔係食就係食，但又唔係真係有介紹到乜好食嘅餐廳。久而久之喪失思考能力。」
第二宗罪「港式死忠」，指即使移民英國後，完全繼續香港個套同價值觀，「一個星期最少三日飲茶，成日話要去試港式嘢食，開口埋口將又話香港好d，又依樣個樣，咁q中意香港做乜鬼移民啫，其實係完全無諗過去接觸英國文化？」。
第三宗罪「英文判官」，指永遠只有香港人先會笑人講英文，「 香港人最叻就係笑d 阿叉/印度佬講英文有口音，其實乜人都有口音，英文有口音即係代表你識多過一種語言，鬼佬係會欣賞你，所謂有口音根本鬼佬都唔care，只要你表達到個意思就夠」，樓主嘲一班移英港豬「一下唔好彩移民要求要B2，應該立即走7成。」
第四宗罪「老馮車埋你」，指移民外國要揸車就好似你要學英文咁，大家都有責任，唔肯學車，又唔住市中心，即係麻煩人，「其實嚟到外國，你or你嘅下一代係應該要學識揸車，好多人成日話我住得近市中心ok la，你哋又咪係有得黐車咪黐餐飽！其實人哋唔係要老馮車你周圍去，ok人哋車你，你會唔會主動提出夾返油錢同停車場錢，人哋收唔收你一件事，但你覺得所謂朋友唔好斤斤計較就其實係自私」。
第五宗罪「無錢無料咪害下一代」，指唔好天真到以及英國畢業，講到流利英語就表示搵到工，「好多老豆出咗去做送貨做工廠，個老母淨係識煮飯，唔識教，為咗強行買afford到嘅樓住垃圾校網區，一句話由得小朋友發展，其實就係連自己都躺平緊，又唔比仔女去見識多d ，已經見到將來佢地只會幫手做m記，你咪以為佢地識講英文大Ｘ曬。無錢就咪生，無腦更加唔好生。」
第六宗罪「着數攞到盡，有乜事第一個閃」，指大把移英港人根本冇打算真心落地生根，只是睇中「英國戶籍」幾抵玩，攞着數攞到盡，「老實講，真正肯放低香港份工，嚟到英國重新開始，非大多數。部分都係心諗：拎到護照先算，最好幾年後又可以搵藉口返香港攞返福利，繼續做佢哋嘅豬仔人生。」
至於最一宗罪就是太廢又唔認，指「有班港豬最叻就係呃自己，明明自己無料搵份文職做，講到自己返工廠超市，拎最低工資，就係度周圍同人講嚟到壓力細過香港好多呀唔緊要啦。」
收藏
取消收藏
分享
