【點新聞報道】香港連鎖麵包店大班麵包西餅全線分店於6月底宣布全線停業，旗下的冰皮月餅更成為「絕版」。近日，有網民發現，冰皮月餅在二手平台上仍有售賣，售價更高達1000元。
有網民在網上發帖表示，其母親呻今年再也沒有大班冰皮月餅可以食，他「為盡孝道」搜索，最終於網上買賣平台發現有賣家出售大班冰皮月餅。當中有一名賣家於三周前發布告示，稱自己手頭上有芒果、楊枝金露、藍莓味的月餅，叫價高達1000元。另有賣家更以「絕版」形容月餅，叫價400元，惟已列明「已過食用日期」。
樓主表示「見到又純又絕版嘅貨，內心非常掙扎，到底食完之後，我媽會唔會直奔月球見嫦娥」詢問網民的意見。
有網民回應稱，「買一個少一個，始終會有一日無得食，早d面對呢件事啦」，樓主表示「我覺得冇咗大班冰皮月餅呢件事，會變咗同生日快樂一樣，每年都要聽我阿媽講一次」。亦有網民擔憂會有食安問題「我一定唔會買！首先佢D月餅，肯定起碼喺上年嘅貨，仲要唔知中途佢究竟點樣保存？」樓主回應「如果我真係買，俾佢食嘅時候我會提前拆咗個包裝先，唔俾佢見到個生產日期」。
樓主還表示，發現有人以500元出售冰皮貓山王榴槤月餅，惟賣家列明「一直冰箱儲存，請注意到期日：2-10-2024」，直言「我諗買呢一隻請阿媽食應該有得諗，臭咗唔多覺」。
收藏
取消收藏
分享
稿件由上傳 · 文責自負 · 不代表本網立場
