【點新聞報道】近日有港媽叫工人去啟德街市魚檔買魚頭，回家後竟發現魚頭沒有魚雲，懷疑是「科技與狠活魚」，逐放上網公審，引起熱議。
港媽於「啟德居民自由講」FB專頁發帖文及相片，指在街市買到冇魚雲的魚頭，「叫工人去街市買魚頭，原來呢間嘢的魚頭是沒有魚雲的，很可能是科技與狠活魚！大家小心！」。其上傳照片顯示，完整的一個魚頭內不見魚雲的蹤影。
帖文掀起網民熱議，有人笑指「樓主你呢啲係鯇魚魚頭，唔係大魚魚頭，梗係冇乜魚雲啦。」、「證明樓主平時好少買餸煮飯，對魚認識無知。」、「事主自己都唔識何況個工人。」、「大魚嘅魚頭先叫做魚頭，鯇魚果個魚頭係叫做魚咀。」、「你淨係叫姐姐買魚頭，又無講咩種嘅魚頭，你張相嘅魚頭一睇就知係鯇魚頭啦！」。
有網民稱可以通過價錢分辨鯇魚魚頭和大魚魚頭，「大魚頭有些大的，切開一半也要賣60元到70元不等，鯇魚頭就平好多，一般都係一份一份賣的！」、「魚雲係大魚頭即有白色滑滑，最值錢係魚雲所以大魚頭係貴嘅，買一個要成70、80元，其他魚頭係唔值錢！」
另有網民揶揄「如果科技做到咁似都唔怕試下」、「原來科技與狠活已經成為咗無知嘅代名詞」、「無知真係要學習，請樓主多啲學習，不要再出醜。」
收藏
取消收藏
分享
稿件由上傳 · 文責自負 · 不代表本網立場
