【點新聞報道】近日有港女於家中發現一樽未過期的甜豉油竟長出大量類似於「鵝腸」狀的異物，嚇得事主立即拍照擺上網求助，大呻「好核突」。
事主於社交平台Threads上發帖文及相片，表示「今日諗住煎個餃子拎樽甜豉油出嚟點吓，一拎上手就見到入面無啦啦多咗呢啲不知名嘅物體，嚇到我黐線，我又唔敢倒出嚟摸下個質感，驚死有菌」。上傳相片顯示，樽內漂浮着一大塊帶褶皺的白色的異物，而甜豉油的過期日期為2028年2月27日。
帖文掀起網民熱議，不少網民表示可能是發霉，「發霉呀！」、「因為潮濕而入面黄豆發酵未夠 所以你開咗樽冇放入雪柜就会有咁嘅結果酵菌嚟」、「發咗毛」、「天氣太熱太潮濕 可能有閂好個蓋」、「開過要放雪櫃呀」、「冇放入雪櫃」、「呢啲係發咗霉嘅菌，始終香港潮濕炎熱」。
亦有網民打趣到，「證明真係冇防腐劑同有機」、「證明無花無假，係真材實料」。還有網民則警惕地表示，「睇完你個帖，即刻衝去睇下樽生抽同老抽有無事」。
事主回應食用多年從未冷藏，第一次遇到類似情況。有專家表示非頻繁使用且開封後的豉油建議冷藏保存。
收藏
取消收藏
分享
稿件由上傳 · 文責自負 · 不代表本網立場
