【點新聞報道】即將於10月登陸紅館舉行演唱會的林子祥（阿Lam）與葉蒨文（Sally），作客查小欣新頻道接受訪問，細訴久違廿七年來未有合體開show的背後原因，又大爆婚後共度最難忘的情人節，Sally更有家傳四寶，親手為阿Lam退燒。
訪問前夕，阿Lam身體抱恙，Sally感覺老公發燒，立刻出動家傳四寶，令阿Lam重拾健康，Sally說：「（阿Lam）昨日發燒，我好細個識得刮痧，我好容易熱氣、成日中暑，舅母幫我刮痧，佢幫我、我就識咗，我會用一支匙羹，加橄欖油、鹽、好熱嘅熱水，佢昨日燒到（攝氏）三十八度，我一摸知道佢好熱，先刮三條喺條頸度，條頸最緊要，一刮即刻鬆曬！」阿Lam搞笑道：「佢報仇咁報！」
阿Lam愛吃甜食，雪櫃常備Gelato；Sally則十分注重健康，平日隨身攜帶維他命，又遍尋降低膽固醇的秘方，Sally說：「阿Lam膽固醇高，咁我點樣幫佢減低膽固醇呢？原來係flaxseed（亞麻籽），佢食，我不如食埋，我嘅膽固醇都唔會高，大家一人一個湯匙，但我成日唔記得！」
明年是兩人結婚30周年紀念，阿Lam與Sally預計將會在舞台上度過，Sally說：「之後可能會做巡迴（《白頭到老演唱會》），會分開年幾兩年做。」原來香港站之後，他們還會作全球巡迴演出。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
