【點新聞報道】樂隊Locksmiths開鎖佬早前推出歌曲《二十婚》，為宣傳新歌，Locksmiths開啟名為「二十婚のPERFECT MATCH」Collab企劃，繼黃又南、連詩雅、林欣彤後，來到最終回，成功召喚網民期待已久的「終極大佬」關智斌（Kenny）現身。Kenny跟Locksmiths一齊jam歌，這個組合更被經理人改名叫做「智能開鎖」。
邀請Kenny crossover原因，開鎖佬坦言：「由出道到而家，都不停有樂迷同朋友問我哋幾時同Kenny哥哥合作！」直到今次推出《二十婚》，他們想做一個翻唱前輩的愛情歌，於是鼓起勇氣邀請Kenny合唱《勇氣情歌》，跟他們的《二十婚》同樣有浪漫甜蜜的感覺，而師兄亦爽快答應。
回想跟Kenny見面的第一印象，開鎖佬竟然集體被「顏值暴擊」，「最大感受一定係俾Kenny師兄嘅顏值震懾到！哈哈！真人真係好靚仔同有型！」雖然同公司，但見面前都緊張到震，不過Kenny十分友善，「照顧我哋後輩之餘亦都好玩得，成個拍攝過程絕無冷場，大家有講有笑」。
Kenny將於九月尾舉行演唱會，開鎖佬表示一定支持，除入場睇show，亦有想過其他方法支持，jam歌當日竟然膽粗粗即場「見工」：「我哋問Kenny哥哥會唔會可以俾我哋擔任演唱會賣周邊商品嘅工作人員。」Kenny即爽快答應。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
