【點新聞報道】林家謙一連兩場演唱會，昨晚（20日）邀請了Jace(陳凱詠)當嘉賓，上次Summer Blues Ja因為檔期配合不上，Jace只拍了視頻對唱，今次終於可以真人現身，令歌迷開心到飛起。
台上的禮物盒打開，Jace驚喜登場時，觀眾歡呼大叫喝彩聲響震天，差點把她的歌聲也壓下去。兩人先是對唱「四月物語」，繼而再合唱「隔離」。台上Jace幽默對話揭露被「臨時急召」內幕，當場「引發大型算賬現場」，引發全場爆笑。
Jace一出場即「投訴」：「好驚呀！第一次做你嘉賓，可唔可以咁講，但邊個臨時急，得一個禮拜通知我做嘉賓？一個禮拜通知都冇！搞到我鬼死咁緊張」。林家謙聞言笑指責任不在自己：「哈哈……問Alex（演唱會監製）啦，呢單嘢唔係我跟開！」Jace即刻反擊：「下，你射走（卸責）？」家謙搞笑回應：「係咪想摑我兩巴？」互動盡顯好友默契。
Jace繼續「翻舊賬」：「你成日搵得我好急㗎！四月物語嗰啲，都係突然間……！」家謙即感謝：「係喎，要多謝你做我四月物語MV主角，搞到view數高咗！」Jace隨即提出合作邀約：「你有冇睇我新歌MV，我下隻歌好斯文下，你幫返我手做主角啦！家謙做主角我多啲人睇，大家係咪呀？」家謙卻自嘲演技又反笑jace識玩：「你對我係咪有咩誤會？我指演技方面啊……哈哈……唔應該搵我做戲！依家啲人上紅館，都係用群眾壓力叫人幫手，識玩呀你。」Jace隨即宣布，「我識呀，我都準備…準備開紅館！」隨即引發台下歡呼聲。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
