【點新聞報道】陳山聰、梁競徽（唯唯）、林盛斌（Bob）三位好兄弟聯同伍詠薇（伍姑娘）到馬來西亞拍攝賀歲電影《媽的又要嫁》，為了幫電影業界出一分力，山聰捐出片酬當投資，而首次身兼電影編劇的唯唯更要賣樓當製作費，自言如果今次唔掂就要瞓街。
電影昨日（19日）在吉隆坡舉行開鏡拜神儀式，演員和製作團隊齊齊穿上紅噹噹的電影團隊T恤，祈求電影開拍順利及大收旺場，今次在戲中伍姑娘飾演山聰與Bob兩兄弟之媽媽，而唯唯則飾演兩兄弟之好友。
伍姑娘自言本身好接受做阿媽角色，但當知道兩個仔是山聰同Bob時就忍不住愕然，幸好導演安排馬來西亞靚仔演員馮瑋佺（Daniel）做她的老公，她才開心起來，說畢伍姑娘就對身旁的Daniel手多多，令Daniel怕羞不已，山聰笑問伍姑娘，「係咪好耐冇食過小鮮肉？」伍姑娘答「唔係呀，啱啱先食完燒肉！」
山聰提到戲中做伍姑娘兒子好合理，因為大家都屬於靚仔靚女，但不明白何解有Bob這個細佬，Bob立即反擊「你哋靠様，我靠內心戲發揮」，全場爆笑。
對於捐出片酬，山聰說「當係小小心意，為電影圈盡一點力，因為同唯唯、Bob係好朋友，好多人都話影圈係冰河期，我哋一直都好希望拍套能帶畀觀眾開開心心又溫情的賀歲片，今年終於搵到幾個投資者，而唯唯首次做編劇，佢絕對有能力，又好多謝契姐伍姑娘，知道我哋製作費唔多，肯以友情價仗義幫忙，因為我哋太熟啦，大家預咗一埋位就鬥爆肚。」
至於賣樓用作製作費的唯唯則表示希望在影圈冰河期，香港演員能跟馬來西亞演員一齊努力，拍到一部令觀眾睇得開心，又能帶出珍惜家人之訊息給觀眾，唯唯說「當然希望套戲都收得，唔係就真係要瞓街。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
