【點新聞報道】移民是人生大事，近日有港媽有感而發指，「為咗小朋友走，好似係呢代香港家長嘅共同課題。」她坦言亦曾想過舉家移民，但最後決定留港，原因好現實，「冇咗香港份穩定工，過去可能要做藍領；冇咗爺爺嫲嫲日日見，小朋友會唔會喊住話掛住香港？」。
有港媽在社交平台threads以「鄰居靜雞雞移民了，諗返起我哋一家嘅掙扎…」為題發文，表示上個禮拜發現鄰居搬空單位，問對方親戚先知原來一家靜雞雞走了，移民加拿大。她有感而發指，「為咗小朋友走，好似係呢代香港家長嘅共同課題。」
港媽坦言亦曾想過舉家移民，但最後決定留港，「諗深一層，冇咗香港份穩定工，過去可能要做藍領；冇咗爺爺嫲嫲日日見，小朋友會唔會喊住話掛住香港？」港媽直指自己一家決定留港的原因好現實，就是醫療和經濟問題，「屋企人有長期病，走唔到；未諗到經濟點樣支援之後嘅生活。」
對於移民這個課題，港媽認為冇完美答案，「留低嘅人睇見走咗嘅人post外國放狗相，會心郁郁；但可能對方深夜喺度睇香港舊相偷偷喊緊。」最後港媽整理出一個頭緒：「無論點揀，都係想畀細路最好嘅。香港有佢嘅問題，但呢度始終係佢哋識行識走嘅地方。或者，教識佢喺風浪中企穩，都係一種能力。」
不少網民留言分享個人見解，「你睇我好我睇你好，你睇佢放狗相風景好靚，但日日如是過1年就悶㗎喇，我啲親戚次次加拿大返嚟香港都話加拿大悶到嘔，啲科技又out（手機電腦）啲衫褲鞋又out」、「點解咁多人都覺得出國讀書一定好？就英國而言，除非你讀私校grammar school否則啲學校分分鐘仲衰過香港band 3 校」、「唔好成日話為小朋友，小朋友從來都無得揀」。
收藏
取消收藏
分享
