【點新聞報道】「人氣女神」李佳芯（Ali）與「百變天王」李思捷，日前出席活動。二人還大開金口獻唱，吸引在場數百位貴賓蜂擁到台前拍照，氣氛熾熱掀起高潮，Ali的唱功明顯大躍進，現場興奮狂呼Encore，人氣爆燈。
以一身粉紅色背心短裙上陣的Ali，大曬長腿仙氣十足，甫出場已掌聲如雷。對於離巢後選擇自組工作室，Ali在台上分享走入人生新階段的心情：「每一次踏入新階段，都會有自己打擊自己嘅聲音，呢啲時間我會不斷鞭策同認識自己，努力計劃下一步點做；以前只係演員身份，淨係演戲，好幸福，但而家要兼顧好多嘢，大至將來計劃，小至工作室Logo都要自己設計。」
Ali又分享健康心得，提到她最近素顏出Post被網民激讚狀態極佳似中學生一事，Ali聞言哈哈大笑，她直言：「我都係盡量Keep，因為每次開工都要不停化妝，又冇得休息，壓力好大，皮膚會出現敏感，只可以喺冇嘢做嘅時候盡量做運動。加上飲食清淡啲，食啲營養補充品，同埋迫自己多飲水排毒。」Ali認為保持好心情亦很重要，以往一開工拍戲便會全程投入、腦海不停思考角色，導致壓力很大。近來她學會打機放鬆、平衡情緒。
Ali現場唱功大躍進，被問到Ali最近是否苦練歌藝，Ali坦言一直有在唱歌方面下苦功：「我會唱K練習，再要身邊人畀評論，收集唔同意見令自己進步。」Ali大方笑稱被網民冠上「魔音」稱號之後，專誠找了唱歌老師指導，「我覺得自己嘅天賦未必係唱歌，咁不如學下，睇嚇自己學唔學得識。頭先喺台上感受到最大進步係個人淡定咗好多，因為以前上到台會驚到聲都震。」
至於另一嘉賓李思捷，在活動中發揮扮嘢天王本色，完美模仿張國榮、譚詠麟、李克勤等獻唱串燒扮嘢歌，令氣氛High爆。李思捷直言享受在舞台表演，說到健康心得，他認為飲食均衡很重要。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
