【點新聞報道】邵氏新劇《風華背後》一眾演員汪明荃（阿姐）、蔡少芬（Ada）、朱茵、黃宗澤（Bosco）、姜大衛（John哥）、譚俊彥（Shawn）昨日（17日）舉行拜神儀式，劇組更為阿姐送上生日蛋糕提早慶生。阿姐相隔11年再次拍劇，是樂易玲誠意及演員陣容打動，蔡少芬及朱茵這在劇中演姐妹卻相愛相殺。
阿姐生日願望是身體健康，拍攝順利，對於羅家英近來訪問，她生氣說：「太多啦，佢呢幾日都對我好好，佢就係錫住你哋（傳媒），成日話你哋冇嘢寫，你哋氹佢就會講㗎啦。（佢話最嬲人亂講影響你情緒？）唔會啦！現在我無咁易嬲。」阿姐表示自從《華麗轉身》後再次拍劇，是因被樂小姐（樂易玲）的誠意邀請及選角陣容吸引下而接拍。在旁的Bosco即指阿姐是劇中的頂樑柱，沒有阿姐的話半個故事都寫不出，又指自己會用感動來形容拍攝陣容，因為可以與生命中最重要的兩位前輩阿姐及姜大衛再度合作。
阿姐當年拍《我的野蠻奶奶》與初出道不久的Bosco合作時，已經覺得他好勤力，對他印象很好，又指有收看日前播畢的《執法者們》，讚Bosco大有進步，而Bosco表示拍此劇他有三大重要任務：第一是阿姐的收工時間，令她有充足的休息；第二記得以前拍劇成日飲阿姐的愛心靚湯，今次希望可以煲湯回饋阿姐；第三是照顧John哥報答他當初對自己的照顧。阿姐又指想與Shawn合作，今次Shawn則飾演朱茵老公，亦是阿姐的女婿。
現實是好姐妹的朱茵與Ada在劇中同樣是飾演一對姐妹，但關係卻是相生相剋、相愛相殺，劇中二人亦有不少爭吵及打架場口，但她們指與好姐妹拍攝的好處便是太了解對方，不擔心對方會嬲。問及Ada劇中老公的飾演者，她則指是神秘人物，朱茵笑指Ada指好耐未試過與男演員有感情戲，Ada就笑言：「我同Bosco戲份有啲曖昧，我話都好嘅比啲機會我同一啲男仔曖昧。」
Ada被問及老公張晉早前自爆曾「死過翻生」，Ada指老公現今身體狀況OK，憶述4月時一家5口到新加坡旅遊，明明之前3月都有照過心電圖顯示無事，當日搭完旅遊巴士去排隊搭鴨仔船，但當時老公有點不舒服行埋一邊坐低，叫Ada行先，Ada便去排隊，之後就發現老公個樣好辛苦呼吸不到，Ada就不停祈禱，不久後老公才好轉，翌日早上老公就喊住跟他們講，昨日望住他們四個，覺得瞓低就會死，故苦苦堅持下去，好感恩能死過翻生。其後他們即刻回港睇心臟科醫生，被告知老公血管塞得好犀利，塞了超過80%，便即刻安排做支架手術，Ada指自己跪在地上喊，沒想過一剎那可能會失去老公，直言如果老公有事自己會癲，現在老公盡量少油戒肥膩，並改走壞習慣，更感慨經過今次之後她會更加愛錫老公。
（點新聞特約記者陳惠芳報道）
收藏
取消收藏
分享
