【點新聞報道】呂爵安（Edan）一連三場演唱會《EDAN LUI『e to E』 LIVE 2025》昨（16日）晚在亞博開騷。MakerVille（MKV）新任CEO金廣誠與MIRROR成員Anson Lo、邱士縉、李駿傑、柳應廷齊現身支持。
戴上如枯枝面具的Edan，以全黑西裝配上一頭金髮型格登場，演唱幾首歌後Edan將講經升級，化身「兒登大師」手持「拂拂」出場講「祓經」，期間除了話「人會變、月會圓，但點圓都唔夠阿Jer塊面圓」。Edan又謂成長會伴隨好多煩惱與麻煩，「只要領略「祓經」三大經文，『做乜諗嘢、關你諗事、以及來都來了』，人生好多煩惱都可以消除。」
Edan又自嘲：「以前出歌閒閒哋都有5百萬點擊，有啲甚至有2千萬，但最近嘅新歌《我以為可以》，3個月只有30萬點擊，我唯有用『轉念』自我安慰。」Edan之後又說近來不時出現「難聽歌手俱樂部」YouTube頻道，但幸好Jer、MC亦都是俱樂部會員。Edan又訴說發現妹妹「小如豬」開工次數比自己更多，IG廣告比自己更多。「佢以前IG全部都係同我合照，而家全部都係同product合照，最重要係佢同product合照笑得開心過我。」
之後身穿佛袍的羅家英出場，不停「祓」Edan，又爆當年拍攝綜藝時，經常「唔着衫」，其後家英哥又爆私下會叫Edan做「呠呠」，原因是他經常放屁，越爆越多，嚇得Edan提家英哥要唱歌。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
