【點新聞報道】相隔四年洪卓立（Ken）今日（15日）推出全新單曲《重返彌敦道》，新歌歌名似是向自己的代表作《彌敦道》致敬，Ken指新歌是他失聲與癲癇症後，重新出發的音樂宣言。
Ken近年飽受健康問題困擾，他坦承：「幾年前失聲後，冇諗過可以重返舞台，重新錄歌。喺發現我會偶發性癲癇後，唯有停工，開始接受藥物治療。而服用藥物的副作用亦導致非常容易腫脹。」對於外界的種種猜測，Ken澄清：「唔係情傷，唔係放棄，反而係想尋找嘗試另一條道路。」
他花了兩年時間學習新的發聲技巧，終於重拾歌唱能力。不過即使能重返舞台，Ken又發現自己有偶發性癲癇，每次表演仍要面對巨大心理壓力，「係有好多誘發癲癇症嘅嘢，兩年幾前開始，包括光、好專心、好投入、好大壓力、瞓得唔好。台上面都會牽涉到，譬如台嘅燈，所以每次上台都會驚，驚自己發羊吊。」他透露靠觀眾支持才能堅持下去，「觀眾臨場即時俾嘅反應，令到我輕鬆啲咁樣去做一個音樂會。」
Ken又提到去年內地巡唱，fans給他的啟發，「有fans話返俾我聽，佢有非常唔好嘅念頭，但聽咗我嘅歌之後就打消咗呢個念頭；有一個有漸凍症嘅fans，奇跡地捱過咗八、九年嘅時間，佢話俾我聽呢八、九年嘅時間其實都係聽住我嘅歌。」這讓他決心繼續唱下去，「就算有癲癇症、就算失聲、就算未必唱得好好，我都希望可以繼續唱，帶啲正能量俾大家。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
