【點新聞報道】近年有不少餐廳推出創新點心放題，不過有網民發文分享中伏經歷，指日前幫襯尖沙咀一間中菜館的點心放題，點知供應的款式與宣傳內容不符，「要乜冇乜，一粒蝦餃都冇啊」，更離譜是等了半個鐘都未出餐，及後才獲店員通知過超過半點心都售罄，最後用一些賣剩的點心來敷衍了事，形容是「「花錢買難受」！
該名網民在社交平台threads以「中大伏！！救得一個得一個」為題發文，分享日前經網上平台幫襯尖沙咀一間中菜館的點心放題優惠的不遇快經歷，指供應的點心款式與宣傳不符，「宣傳寫有60多款食品，去到現場張點心紙先得30款都冇，連埋出面自取的餐點加埋都肯定冇60樣，出面自取嘅餐仲得返餸頭餸尾」。
而更離譜是等了半個鐘都未出餐，及後才獲店員通知過超過半點心都售罄，「耐心等咗半個鐘都未出餐，去問職員，得到嘅答覆係超過半點心都售罄，揀咗12款點心嚟得2樣，2樣都係腸粉，懷疑得腸粉師傅未收工。」。
樓主亦不滿被用「賣剩」點心敷衍，「等咗半個鐘先嚟話售罄，個職員一下係我張單上面打咗大大個X，咁可以食咩？最後喺廚房拎d我冇落，賣剩嘅點心嚟敷衍人，品項都唔超過5款。」樓主又指店員誤導，「套餐寫明送燉湯，當然又話冇哂，話要飲嘅要預先落單，張點心紙又冇寫湯，落單時又冇問，想問要點落單？」
樓主形容是次用餐體驗是「花錢買難受」，批評該餐廳「虛假宣傳呃人入局咩都冇，要乜冇乜，一粒蝦餃都冇啊！！」。
帖文引起網民熱議，有幫襯過團購的網民分享經歷，「我12號食咗，第一天可能比較好啲第一張單落只有兩個點心冇嚟，亦冇交代；湯方面主動問我哋要唔要，加單嘅時候10款點心只來兩樣，仲係我哋要求取消佢就嚟，出面自助點心還可以，只不過冇晒好耐先添加」、「我食過一次團購買的放題，真係叫乜冇乜，之後唔再買了」。
有網民建議樓主向當局舉報，「直接報警喇，詐騙」、「即場應該報警」、「海關幫到你，商品說明條例」、「不如去報消費者委員會」。
收藏
取消收藏
分享
