【點新聞報道】天文台今早（14日）7時50分發出黑色暴雨警告信號，港島中西區有特大暴雨，每小時雨量預料或已超過140毫米；葵青及屯門區有大暴雨，每小時雨量預料或已超過100毫米，有可能出現嚴重水浸。天文台改發黑雨時間正值上班高峰期，網民反應兩極。
不少打工仔湧到天文台Facebook批評天文台掛黑雨太遲：「超前部署呢？我已經岀咗門口返工喇」，「7:30已經Mon住天文台網頁，講到掛黑雨模棱兩可，跟住轉頭7:50，咁遲掛，真係好多打工仔俾佢玩死」，「7:50好多人已經出咗門口啦，成街都係水氹啊，剛剛坐船落地鐵站呀，6:00嗰陣時已經好大雨啦，點解當時唔掛？出晒門口先至嚟掛」。
有網民要求講清楚掛黑雨時間，「可唔可以寫埋維持到幾點？這個時間出咗門，返屋企又唔係，返工又唔係，停留喺街度，唔上唔落咁」。
也有網民撐天文台，「今次已經算係咁，天文台繼續努力」，「其實無論幾點掛，幾點落，都會有班人走出嚟鬧」，「覺得啲人好野蠻」。
收藏
取消收藏
分享
稿件由上傳 · 文責自負 · 不代表本網立場
