【點新聞報道】公共場所大聲播片是擾人行為，有港男早前在觀塘快餐店用膳時，隔離有大媽大聲播放抖音影片，於是伸頭過去與大媽一齊看影片，見對方無反應，便伸手幫她掃往下1段影片，大媽當堂「呆咗」反問「你做乜？」，港男則回應「你開咁大聲唔係諗住一齊分享嘅咩？」，大媽最後敗走離開。
有港男在社交平台threads分享擊退大媽的過程，指「喺觀塘麥記食嘢，隔離大媽放部電話喺枱面，開speaker大聲睇TikTok之類嘅嘢。」樓主於是心生一計，「我跟住伸個頭埋去一齊睇，佢無反應，之後睇咗幾十秒，我仲伸手幫佢掃下一條片」。大媽當堂「呆咗」，並反問樓主「你做乜？」，樓主便回應「吓？你開咁大聲唔係諗住一齊分享嘅咩？我見你咁好人，咁幫你手，順手掃落下一條片啫。」大媽之後即刻起身離開，樓主笑言「我可以清靜食埋個餐」，更抵死hastag埋「唔好得罪黐線佬」。
帖文引來不少網民大讚，「正，有料」、「做得好！」、「欣賞你，如果多啲人好似你咁就好」、「對唔住笑咗，你呢個方法好掂」、「真係估你唔到，不費吹灰之力」、「用魔法打敗魔法」。
另有網民分享類似經驗，「我上次喺電梯大聲咁樣重複返去睇嗰段片入邊嘅對白，嚇到佢熄聲之後出電梯即刻走」、「我試過喺MTR，坐我隔離個播抖音超大聲，隔離車卡都應該聽到，我忍咗5分鐘，跟住攞啲dj remix嘅音樂，將個播聲個位置隊近佢耳仔」、「幾年前有位女士地鐵車廂大聲播歌，我坐對面跟住首歌一齊唱，跟住佢就停咗喇」、「我都係會陪佢哋一齊睇，但有次個女人望返我笑，我驚咗，原來仲有人黐線過我 」。
收藏
取消收藏
分享
稿件由上傳 · 文責自負 · 不代表本網立場
