【點新聞報道】對於英國有意延長「5+1」入籍條件至「10+1」，搞到不少移英港人兩頭不到岸，當中有港女熬不下去，選擇回流香港，還以情侶分手為比喻，怒指「明明應承同居咗5+1就同我結婚，但到咗第3年，佢話可能要10年先考慮結婚，咁呢個男人，仲信唔信得過？」。
該名移英港女在社交平台threads發文表示，自己已準備回流，形容感覺好似分手，「有時覺得明明應承同居咗5+1就同我結婚，但到咗第3年，佢話可能要10年先考慮結婚，咁呢個男人，仲信唔信得過？」因此她決定斬纜，「對於我，長痛不如短痛！」。
樓主表示，雖然深知大家唔會結婚，但都相處過一段時間，都感激佢嘅好，包括：大部分人都好友善、空氣好地方大、每人都可以重新出發等。至於「分手致命傷」，包括重稅，通脹太誇張，超市月月加；心理唔平衡，指明明自己有畀一大筆稅，點解難民可以住四星級酒店？仲話財政黑洞越嚟越大？
樓主更力數英國治安差每況愈下，直言「出街真係會擔心自己條命仔。青少年stabbing太普遍，警方+成個社會根本沒甘多資源去解決，仲話黎緊cut police no.?!!大錯特錯」。
最後，樓主引用一句網絡留言，去總括自己的整體感覺，「呢度有好多不同方法屈你錢，但無嘢比到納稅人。所有嘢講就天下無敵，做就無能為力。如果比出去嘅錢係真的改善生活環境，我覺得還可以，偏偏呢度收好多錢但好多服務設施不知所謂！」
收藏
取消收藏
分享
稿件由上傳 · 文責自負 · 不代表本網立場
