【點新聞報道】馮素波（波姐）向來注重健康，她日前出席分享會，以用家身份大談保健心得。
波姐自爆曾是諱疾忌醫，直到身體響了警號才明白想身體健康都要超前部署。已年屆81歲的馮素波，更笑言「人生冇健康，點生存」，雖但波姐也有諱疾忌醫的過去，她表示：「在我50幾歲時，身邊朋友成日話要驗身，佢哋30、40歲就去驗，我就唔去，總覺得『一間舊樓去檢查，呢度要補漏，嗰度要裝修，實要執好多嘢』，而家就明白，人生冇健康，點生存？於是近年會定期做醫療檢查。原來波姐四年前曾懷疑患上腸癌，她說：「當時因血色素低做檢查，之後照埋腸胃，醫生當時話條腸有好多肉粒，仲有個幾厘米大住宿咗喺腸5至6年，一定要手術切除，當時醫生仲發現膽都塞晒，所以一晚就切除埋膽、割埋五分一腸。」
波姐又分享獨門飲食貼士，她指自小不吃辣、不吃煎炸及貝殼類食物，做演員時又會經常袋住餅乾，讓自己不會有肚餓的時候，好好保養胃部，而近十多年更養成良好的早餐習慣，她表示：「醫生話每朝食一隻烚蛋，增加蛋白質，而每日只會食一餐澱粉質。」
活力充沛的波姐還即席表演拉筋，柔軟度儼如後生女，有十多年瑜伽㡳子的波姐稱：「我近20年每朝都會拉筋10分鐘，亦會丹田練氣，並每日步行幾千步，我好鍾意出街，因為唔行多啲，對腳會冇力。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
