【點新聞報道】移民不單是大人的課題，對於子女來說，也是個大挑戰。一名跟隨家人移民外國的18歲港女，日前在網上發文控訴「我覺得好無能好無助，跟住屋企人移民，感覺冇咗自己」。
該名移民港女在社交平台threads發文訴說，對生活及前途感到無望，「我覺得好無能好無助，跟住屋企人移民，感覺冇咗自己」。樓主坦言對當地毫無留戀，「而家係完全冇咗個方向，我應該喺度做咩，就算同frd、同屋企人出去，我唔係真係覺得開心」。樓主十分掛念香港的一切，「真係，我返到香港住我就夠啦，就算辛苦都好」。
查實，樓主亦有同家人和朋友反映過想返香港生活但都無果，她煩惱着沒有返港的資金，「我喺呢度身份唔容許我搵工而家，何況都要諗住宿費嘅問題，我亦唔知佢哋會唔會扣住我啲錢」、「但就算我夾硬買機票返冇理由長期住酒店㗎」。
對於有網民擔心樓主年紀尚輕，就算返回香港，都未必可以一個人應付所有開支。樓主表示明白箇中難處，但認為總好過留在當地，「都好過而家咁呀，我英文又麻麻兩頭唔到岸，我唔想以後都喺度捱過每一日咁」、「好多嘢都未知，返咗去先再賺錢，唯有見步行步」。
收藏
取消收藏
分享
稿件由上傳 · 文責自負 · 不代表本網立場
