【點新聞報道】近日，有女食客發帖呻「大伏」，稱於荃灣某人氣冰室點了一份售價為79蚊的牛舌飯，惟牛舌飯上桌時出乎食客意料。食客上傳相片顯示，牛舌未經去皮處理，表面均是密集的「脷苔」，食客直斥「黐X線」。帖文引發熱議，網民直呼「隔住個mon都想嘔」。
樓主在Threads發帖抱怨，指當天生日於人氣冰室用餐卻遭大伏，照片顯示牛舌並未經妥善處理，烹飪過後仍清晰可見殘留了「脷苔」，即牛舌頭表面的角質層。
帖文掀起熱議，不少網民驚呼「刷新三觀嘅牛舌」、「睇完有陰影」、「塊嘢好似監生扯出嚟咁」、「救命，好似同隻牛打茄輪咁」。有網民怒批餐廳不責任，「唔識整唔好學人出牛舌啦」、「滾水、碌皮、切塊、調味、製作，淨係做咗滾水」、「係咪黐X線，點解咁嘅嘢（都）可以賣俾人？」、「根本無好好處理食材，唔尊重食客」。
還有網民揶揄，「真材實料」，「牛舌Confirmed，係真嘢」、「證明新鮮」、「算唔算同牛舌吻？」、「人生第一次脷疊脷，最和味！」、「古有人食燒鵝髀免切，可以揸住成隻咬；今有牛舌免切，可以揸住當雪條奶」、「真係可以感受舌尖上的美味」。
收藏
取消收藏
分享
稿件由上傳 · 文責自負 · 不代表本網立場
