【點新聞報道】現年33歲的柯煒林（Will）上月底在社交平台透露患上肺腺癌第四期，現正接受標靶藥治療，因而辭演舞台劇《笨蕉大劇院》，角色暫由余家溢代演。但昨晚(8日)首演，柯煒林於謝幕時驚喜現身，全場掌聲雷動。
台上柯煒林精神飽滿，笑容滿面露出招牌小酒窩，向台下觀眾鞠躬致意，獲全場歡呼拍掌打氣。他跟觀眾打招呼及鞠躬致謝：「多謝你哋一直以嚟嘅關心同鼓勵，唔好意思，我呢個衰仔要令大家擔心。」當台下觀眾喊出「加油」，Will忍不住講笑：「呢個咪冇睇我啲Post囉，我都話唔要聽加油㗎，我要聽嘅係咩呀？——1、2、3！」他一喊「USH」，台下即時回應：「我愛你！」氣氛溫馨感人。
柯煒林續指：「我好榮幸，第一個參與嘅舞台劇，就係是同呢一班台前幕後咁正嘅人合作，因為無論喺我發生咗啲小毛病之前定之後，佢哋都好照顧我，劇場真係一個好魔幻嘅地方。」他向觀眾承諾：「放心，我冇事。我會照顧好自己嘅身體，然之後再喺呢度表演畀大家睇。」全場報以熱烈掌聲。他再問觀眾：「你哋會等我㗎嘛？」聽到觀眾的熱情回應後，即擺出大心心手勢致謝回禮。林海峰又鼓勵現場觀眾為Will送上祝福，觀眾即時大聲呼喊支持，Will攤開雙手接收觀眾窩心的祝福，如雷的歡呼聲令Will不禁掩面抹淚，演員們亦送上擁抱給予鼓勵。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
