【點新聞報道】戲院內要保持安靜是常識吧，近日有港男於社交平台發文公審兩名男生，指他們在戲院睇戲其間，不斷玩手機遊戲、打電話並不停踢凳，經勸阻態度仍輕佻，帖文引來網民共鳴。
該名港男在社交平台threads發文表示，當晚全場僅6人，兩名男生坐在戲院的最後一排，從開場至中場其間不斷的發出噪音，「由開場講到套戲已經一半，好幾次叫佢哋靜唔肯，原來一個打機一個講電話」。樓主怒斥對方行為離譜，其中一人勁招積勁厚面皮咁攤開雙手，示意「唔關佢事係隔離嗰frd嘈」，兩人還不斷互相推諉。
隨後，事主拍下兩人的相片找職員處理時，該兩名男子竟呼喝事主的友人，不斷話「喂！知唔知佢出去做咩？」，直到職員到場兩人才肯安靜下來，「佢哋收埋咗部電話扮冇事，同職員講唔關佢事，然後話我做咩無端端影佢相…」。
事主怒指「坐最尾唔代表唔會影響到人」，直斥兩人無悔意「叫佢靜仲要笑笑口，佢仲不停踢凳」、「去到職員嚟到都要反駁、推卸、唔認數、冇道歉」，遂放上網公審，惟強調影相僅為保留證據。
帖文引起網上熱議，不少網民力撐事主「Good job, 屋企無人教，就等社會去教」、「戲院嘈X 必須討伐」、「樓主做咗我想做嘢嚟好耐」、「支持樓主 我都成日喺戲院叫人收聲」、「樓主態度十分正確呀」。
另有網民鬧爆該兩名男生無禮，「OnX都唔知呢啲人為乜入戲院」、「癲...咁點解要嘥錢入場」、「香港睇戲真係好差嘅體驗」、「打機喺戲院打咩玩法 最憎人踢凳」、「咩年紀都有呢類X 人」、「唔明點解啲人靜2個鐘都做唔到」、「而家啲人真係好冇禮貌」、「依啲人個心都唔知諗乜」、「好心睇戲就正正常常睇戲啦」、「當正戲院係自己屋企，橫行無忌」。
收藏
取消收藏
分享
稿件由上傳 · 文責自負 · 不代表本網立場
