【點新聞報道】羅家英近日接受查小欣主持頻道「紅查館」訪問，壓軸一集「感情篇」下集於今日（8日）上架。家英哥繼續爆料，坦言對身後事已有全盤計劃與安排，特別買下一層樓、兩份保險，留給愛妻汪明荃，甚至購置兩幅相連土地，誓與阿姐生死與共、長伴千世紀。
婚後的阿姐變成愛做家事，家英哥說：「佢好鍾意做屋企嘢，你唔好旨意叫我做，no！我喺屋企係休息嘅，小小地方我就瞓得㗎啦，我有間屋做後備，喺廣播道，隨時嗌交就去住啦！」家英哥四度患癌後有沒有預備遺囑？他說：「我最近買咗兩份投資保險同基金保險，寫咗佢（阿姐）個名，仲有我哋排戲嘅地方，樓上十二樓，我都買咗，我話有乜嘢事，呢層樓係你嘅！」阿姐有什麼反應？「佢反應係全無表示！」
家英哥自言思想傳統，來日百年歸老，他說會傾向土葬：「我已經買咗塊地，（買唔買埋阿姐嗰份？）買埋！買咗兩幅，買咗成十幾年啦，呢啲好簡單，睇你有冇錢去買！」對於生死話題，家英哥與阿姐並無忌諱，家英哥說估計阿姐身體不錯，應該他早走一步，但他希望阿姐早走，他便可以照顧她。而且他也不會要阿姐的錢。他稱彼此已交代清楚，因金錢對女人好重，也是她的血汗金錢，大家食飯也是要AA制。而他住阿姐家也要交租，每月家用有五位數字。
面對未來珍貴的八、九年，家英哥渴望過着隨心所欲、自由自在的日子。問及有無遺憾？他說沒遺憾，對於沒有子女雖有小小遺憾，但他在沒後顧之憂下，窮一生功做大戲。英哥更祝願自己長命百二歲，「一定要長命過邵逸夫！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
