【點新聞報道】「我買藥啫唔係買舖呀！」，有港男日前在沙田龍豐Mall分店購物，以電子支付付款時，竟被收取「天價」4200多萬元，幸好該金額遠遠超過支付限額，因此交易失敗，事件引起網民熱議。
該名港男在社交平台threads發文表示，日前在沙田龍豐Mall分店購物，埋單160元，以電子支付方式付款，但「碌卡嗰陣話交易失敗」，他感奇怪於是「打開手機望咩事，一打開，4000幾萬」。
樓主上載有關支付交易記錄的截圖，當中一欄顯示被收取$42,695,209.52元，由於該金額超過支付限額，因此顯示「被拒收」。其後職員更正銀碼，顯示成功支付了160元。
樓主並在hashtag中表達心情：「#我買藥啫唔係買舖呀」、「#d職員都呆咗」、「#想呃我4000萬！？」「#$4000都冇呀」。他又笑言「好有大志，呃一個就夠 」、「如果過咗數…間舖應該可以比我」。
帖文引發網民熱議，有人估計店員入錯商品條碼「似入錯bar code 當價錢」，樓主亦認為「呢個係唯一解釋」；有人則估計是誤入信用卡號碼，「明顯係入咗你信用卡號碼，宜家個個都知信用卡號碼頭十個字」，樓主就指，「Apple Pay使鬼畀卡佢咩」。有網民就表示「如果佢係撳錯4千幾蚊，就可能唔會即時發現了 」，樓主亦指「如果唔睇單真係會唔發現」。
另有網民分享遇過同類事件，「我都試過要畀$310，佢碌咗我$888,999，仲夠膽收我overlimit charge」、「我都試過，31萬買杯珍珠奶茶，收銀姨姨：『碌唔到喎』」、「我上次又係咁，不過成功過咗數」。
龍豐集團回覆傳媒查詢時表示，事件屬同事操作收款流程有誤。
收藏
取消收藏
分享
稿件由上傳 · 文責自負 · 不代表本網立場
