【點新聞報道】話說不少移英港人打算護照一到手，便回流返香港搵錢，之不過 ，他們的如意算盤可能打唔響，皆因最近爆出有人用「5+1」成功申請英籍後，再申請埋護照出國工作，直至返英國更新護照時，竟被當局褫奪了英籍。
經常分享英國生活嘅fb專頁「從零開始。英國法律界新丁」日前以「律師樓日常。咁樣都會被褫奪英籍」為題發帖，指在一個移民律師的定期聚會，從一名有超過20年經驗的移民律師「J」，聽到一個好爆的個案。
樓主引述律師「J」的有關個案，「主角A先生，喺英國生活咗「5+1」之後，成功申請英籍，再申請埋British Passport。佢攞到passport後12個月內，就離開咗英國返去加拿大工作。之後當佢renew British Passport嗰陣，Home Office竟然出咗封信畀佢，褫奪佢嘅英籍。」
原來Home Office Caseworker Guidance有明確指出，所有申請入籍人士必須有「永久居住英國意圖」 (intention to make the UK a permanent home)，入籍申請表上面都會有呢條問題「申請人有冇意圖永久居住英國？」
A先生當然都係剔「Yes」，聲明自己「有意圖永久居住英國」，但由於佢12個月內離開咗英國返去加拿大工作，於是乎Home Office就以「Deception」為由 (即係欺瞞) 而褫奪A先生英籍。
A先生唔忿氣，就搵「律師J」進行上訴。由於A先生喺美國科技巨企任職軟件工程師，「律師J」嘗試用Proportionality Principle (合乎比例原則)，解釋如果A先生可以保留英籍，會對英國政府以及相關行業有重大貢獻；當日A先生離開英國返去加拿大任職，係因為當時環境有變 (Change of Circumstances)，對於佢事業發展更有利，而並唔係申請入籍時故意欺騙Home Office永久居住意圖。
最後，A先生上訴失敗，法庭維持Home Office褫奪英籍決定。得悉結果後，A先生失望透頂亦再冇上訴。至於Home Office褫奪咗A先生英籍之後，會唔會畀返永居佢？又或者過一段時間可以重新申請英籍？「律師J」表明「唔可能。一旦褫奪英籍，基本上係要由頭嚟過‼」。
收藏
取消收藏
分享
