【點新聞報道】維多利亞公園驚變「米奇樂園」！有網民上載一段影片，可見有近20隻大老鼠深夜於維園「開Party」，情況十分嚇人。
有網民日前在社交平台threads發文指，「做晒功課放暑假，跑返2圈減吓肥，梗係要嚟維多老鼠公園啦，跑完要威吓㗎啦，係咪唔好講咁多啦，Come on Mickey Let's go party」。從其上載的影片，可見晚上無人之時，維多利亞公園一帶有一大群、近20隻老鼠走出戶外彷如開派對。
影片曝光後，引起不少網民熱議，「我同維園保安投訴過，佢哋話有人餵雀引埋老鼠」、「我同人講維園多老鼠，D人話我睇錯，係松鼠」、「應該係地底太熱」、「我覺得因為係連日大雨啲坑渠浸晒，所以佢哋走晒出嚟」、「老鼠好怕落雨，前排就有bb米奇入咗我屋企」等。
不少跑友亦在維園發現鼠蹤，「試過跑跑下踢到生物，之後走咗入花叢。我估應該係老鼠」、「依家我都唔敢夜晚喺維園個緩跑徑跑步，每次經過總會見到米奇嘅蹤影」、「我跑步都唔敢再跑入維園，以前有貓捉老鼠，依家老鼠冇咗天敵，係咁不斷生好多老鼠...跑過步都閃隻大老鼠出嚟嚇親我」。
收藏
取消收藏
分享
稿件由上傳 · 文責自負 · 不代表本網立場
