【點新聞報道】本港昨日（5日）多區有傾盆大雨，有港女選擇乘搭網約車出門，卻遇上不快經歷，指Uber司機接單後非但沒有直接前往目的地，反而不斷「兜路」，且越兜越遠，怒斥「喂大佬呀，黑雨就唔好玩啲咁嘅嘢」，事件引起熱議。
該名女乘客在社交平台threads發文指，Uber司機接單後沒有直接前往目的地，從手機App的即時地圖可見，司機竟不斷兜路，「我明明見到呢個司機喺竹園過緊嚟浸會醫院，車程3分鐘，跟住見佢越兜越遠。」她認為，如果司機在黑雨下不想開車，可以選擇不接單，「喂大佬呀，黑雨就唔好玩啲咁嘅嘢，唔想揸車可以唔接order，接咗order唔該你唔好玩嘢啦」。她直言「真係躁底咗」，但「死我都唔會cancel張order」、「佢而家喺山上面停喺度等我cancel張單 」。最後司機自己取消訂單，「到最後佢差唔多兩個鐘自己cancel咗」。
帖文引起網民熱議，「黑雨要加價 」、「真係黑心，明知落黑雨仲要咁搞」、「冇必要我都唔用uber 」、「而家啲uber係咁㗎，話睇吓中途會唔會接到其他好過你呢單嘅單」。有網民分享類似經驗，「想加價啦，之前Call第二間都試過，明晨2-3分鐘到，但行左唔知去邊，過左陣仲cut埋單，然後叫我用個貴啲既service。果日又係落緊大雨又咁啱走左巴士。」
有網民建議樓主檢舉，「啲人之前講佢博你cancel，你就千祈唔好cancel等佢接唔到下一張單，佢忍唔住就會自己cancel，你再去report佢」。
收藏
取消收藏
分享
稿件由上傳 · 文責自負 · 不代表本網立場
