【點新聞報道】雲浩影（Cloud）一連兩場「Finding Cloud雲浩影演唱會2025」，昨晚（3日）在旺角麥花臣場館完美落幕，兩晚演出都全場爆滿。當中她突破形象以短裙黑絲騷長腿跳舞，全場哄動。
演唱會由「小小Cloud」給長大後自己的一封信開始，雲浩影以一身淡綠色長裙的仙氣登場。她說：「我好多謝音樂令我認識大家，我由細到大唔多朋友，可能性格比較摺（內向），未試過搞生日會，但今日第一次有呢個party同大家一齊去玩，好開心！」其後Cloud換上吊帶短裙配黑絲，大騷修長美腿演唱，並與男舞蹈員跳辣身舞，全場哄動。她對觀眾笑說：「係咪好正呢？係咪比尋晚更加正呢？因為今晚爹哋無嚟睇！」
而第一晚演唱會，她看見全場觀眾手機星海感動得掩面哭泣，抹去眼淚繼續唱，高呼：「我好愛你哋呀！」昨晚第二場，她對觀眾笑說：「今晚我唔會喊架啦，你哋咪試吓囉！」結果唱到最後一首歌《別畏高》時失守，全場觀眾站起來高舉打氣手幅，忍不住熱淚盈眶，說：「我唔捨得你哋，可唔可以下次再見呀？」最後鞠躬和飛吻謝幕。
總結兩場演唱會，Cloud說：「我知道自己台上表現仲有好多進步空間。好開心完成咗兩場演唱會，亦好開心見到台下觀眾，每一張開心臉孔。合照時每一位同我講鼓勵的說話，甚至有人話第一次睇嘅演唱會就畀咗我啦。呢啲對於我都係好珍貴嘅moment（時刻）。」她又以電影《香港四徑大步走》裏面有分「完成者」（Finisher）和「生還者」（Survivor），她覺自己向「完成者」努力，希望將來更多機會和實戰經驗，到時會有「雲浩影3.0」送給大家。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
