【點新聞報道】好人好事！有港女日前發文指，在黃雨下搭巴士上班，見到車長主動協助坐輪椅的乘客下車，並溫柔提醒乘客注意安全，令她十分感動，大讚對方是「柔情車長」。
該名女網民前日(2日)早上在社交平台threads以「黃雨返工遇上柔情車長」為題發文，指「見到咁大雨準備游水返工，到中轉站架車突然停咗，戴咗耳機隱約聽到有人講嘢，抬頭見到車長唔只一次幫緊坐輪椅嘅乘客落車」。
樓主續指，「喺香港需要游水嘅黃雨下有耐性咁幫有需要人士，之後落車仲揮手講88（拜拜）注意安全，見到咁溫柔嘅畫面Twice（兩次），覺得自己游水返工實在微不足道」。
從樓主上載的影片可見，黃雨下，一輛307號綫巴士停靠東隧巴士轉乘站，聽到車長與乘客的對話，包括「要都開車啦」、「唔使、唔使、唔使」、「嗱，你扶實就得㗎喇」；相片則可見車長與輪椅乘客揮手道別。
不少網民留言大讚這位「柔情車長」，「send 個mail比城巴讚揚他，香港正能量，有禮服務大使」、「突然間覺得個車長好Man」。有網民更分享親身經驗，「我都坐過佢車，有一晚一個女人帶住一個BB加一個小朋友灣仔上車，個女人太多嘢收唔到BB車，我幫佢抬起後面兩隻轆，呢個司機勁好人，冇叫個女人收起架BB車之餘仲叫佢慢慢拎咗上車先，開車前仲再三同佢確認放好未」。
（本文為作者觀點，不代表本媒體立場）
收藏
取消收藏
分享
