【點新聞報道】好運話嚟就嚟！有港男日前分享一段搭車奇遇，指一上車司機便讓他揀一個號碼，原來司機是運用家族的借運方法，讓每轉車的乘客選一個數字，然後每兩、三日就買一次六合彩，還透露「已經中咗幾次」。
該名港男在社交平台threads發文表示「收工，坐Uber返屋企，一上車，個司機叫我揀個number（號碼），佢話佢每日都會做六至10單生意，每個客人就會另一個數字，跟住每2-3日就去買一次六合彩，用呢一個方法已經中咗幾次」。
樓主續指，「因為咁樣係聚集埋其他人嘅運氣去幫自己，咁都畀佢諗到，我問佢，咁嚟緊會買啲咩Number，同埋如果一程車多個一個乘客咁點樣？跟住佢同我講，呢個係佢家族嘅借運方法，唔外傳，唔好意思」。
帖文引起網民熱議，不少人表明拒絕借運，「唔幫佢揀，中左又唔會分畀我嘅 」、「我唔揀囉」、「點解我啲運要畀你？」、「唔好幫佢揀號碼」、「真嘅話做乜要借？？？」、「唔借畀佢都得嘅」、「借返黎既運係要還嘅 」、「運氣借比佢，自己咪折福」。
有網民則不信借運的說法，「你信一個揸緊Uber但話你知成日中六合彩的人？」、「真係借到嘅話就唔係佢車你，係你車佢啦」、「答佢無問題，你畀$500我，我畀個number你 」。
有網民就分享曾見過用類似手法中獎，指「我以前公司有一個日本人，問晒全公司嘅女仔攞一個number，點知真係畀個死佬中咗三獎，冇返工成個月」。
收藏
取消收藏
分享
稿件由上傳 · 文責自負 · 不代表本網立場
