【點新聞報道】個個移民都話為了下一代，唔通個個下一代都想移民咩？有港女在網上發文表示，下星期準備全家移民，但自己唔想過去英國，自知去到英國唔會開心，然而又不捨與媽媽分隔兩地，愁爆咁話「真係唔知下一步點做好」。
即將舉家移民的港女在社交平台threads發文表示，「我個妹考到英國大學，下星期準備全家移民，屋企層樓已經賣咗，好在自己有租屋唔會無地方住。」樓主坦言不捨香港的人同事，「我唔想過去英國，我好掛住大家、呢度建立嘅一切，我清楚自己去到英國唔會開心 一定適應唔到，但係我唔捨得同我老母分開，佢一直對我好好，我真係唔知下一步點做好」。
樓主表示，自己已大學畢業，去到英國要開始工作，「如果話讀書6年好快過，但可惜唔係，而且英國做咩工種人工都差唔多，感覺我白讀咗4年大學。」樓主另指，「如果一年後返嚟香港，就會比hr問長問短點解gap一年，而家正直fresh grad最好搵工時機。」
樓主亦坦言「唔知點開口」同父母講，指「其實屋企都係想用6年換英籍，驚以後想走就無機會了」。
有網民勸樓主移民前要三思，「好坦白，你未開始，已經唔鍾意英國，你將會好痛苦，真係諗清楚」、「6年換英藉太多變數，分分鐘唔止6年。唔鍾意咪強求，香港日照時間長，英國日照時間短好易玩到抑鬱」。
收藏
取消收藏
分享
稿件由上傳 · 文責自負 · 不代表本網立場
