【點新聞報道】新移民求職不容易，最近不少移民外地的港人有意吃回頭草。一名獨自移民加拿大的港男在網上發文大呻，當地人工又低、又難搵工，對此感到好無力、想放棄，更直言「好想回流返香港」。
該名移加港男在社交平台threads發文圍爐，問：「有冇人同我一樣，真係好無力、想放棄，好想回流返香港。」樓主未能成功考取技工牌，做不回老本行，「本身香港有牌，做咗十幾年技工+TO，係嚟到考唔到牌，人工又低，又難搵工」。
樓主坦言對前景感到迷惘，「考完fail想放棄嗰個位，最近諗住做咗一年餐廳維修技工儲完鐘，諗住轉工，轉咗去白人公司，點知畀佢炒咗，依家迷惘中 」。
有同樣決定回流的網民留言，表示「已決定咗返去，因為就算你拎到passport，你唔鍾意呢度，始終都係會走。係早同遲嘅分別。既然係咁，點解唔早啲返去，錢又搵多啲，親人又喺度。鬼佬地方體驗過就算，唔好勉強自己。」亦有人贊成樓主決定，「移民係為咗認識自己多啲。有人鍾意外國生活，有人唔鍾意，好正常。如果發現好多嘢都唔適合自己，返香港冇問題。」
收藏
取消收藏
分享
稿件由上傳 · 文責自負 · 不代表本網立場
