【點新聞報道】外出用餐要注意食物安全，以免病從口入！近日有網民分享中伏用餐經歷，指日前一行六人幫襯深水址一間餐廳，點了一個醉雞煲，點知吃到最後才發現湯中的白色小粒，竟然全部都是蟲，事主立即向店員反映，但店方僅免收醉雞煲費用，卻沒有道歉，怒轟「今次真係我食過咁多間餐廳以嚟體驗最差嘅一次。」
事主在社交平台threads發文表示，一行六人到深埗一間餐廳用餐。一入店內，便發現枱面未清理乾淨，事主仍將就自行抹枱，「本身有張枱未執，店員見我哋入去就即刻執比我哋，但執完之後張枱係抹得極唔乾淨，枱面又油，枱罅又攝住咗勁多污糟嘢，咁我哋接受程度都算高架啦，咪自己揾紙巾抹下都當睇唔到就算」。
然後到落單時，事主聽從老細的推介點了一個醉雞煲，「老細就sell我地話佢地啲雞係新鮮雞，唔係冰鮮雞，所以叫咗個醉雞煲嚟食」。點知吃到最後才發現湯中白色小粒，原以為是芝麻或其他調料，竟然全部都是蟲，「咁我地就梗係食住雞又飲埋啲醉雞湯，點知食到最後先發現原來成煲都係蟲。」事主續指「佢係擺成個煲上枱再用電磁爐喺我哋面前煮嘅，所以佢本身都唔知，係我哋食到最後熄咗火，見到咁多白色浮晒面先知」。
事主立即向店員反映，但對方卻冷處理，僅表示會免除醉雞煲的費用，但連一句道歉都沒有，「佢都淨係話幫我免咗個醉雞煲，...鋪頭嘅人完全冇諗住有啲咩表示，淨係講句唔好意思，連say句sorry都冇」。事主怒指，「但我哋就食咗成煲蟲落肚，遲啲睇醫生都貴過食佢一餐。」
除了投訴醉雞煲有蟲外，事主亦不滿其他食物的質素和份量，「其他食物又細碟，一行6人每人夾得一兩舊嚟食已經清晒成碟嘢，特別係個咖哩蝦，啲肉直程係霉嘅，一擺落口已經散晒，每人食得一兩隻蝦已經要298蚊，完全唔值，另外花螺一蝶要成357又係唔值」，直言餐廳「真係當人水魚」。
最後，事主指「今次真係我食過咁多間餐廳以嚟體驗最差嘅一次」，無論是食物質素、味道、份量、環境衞生和店員的處理手法都令他非常不滿。事主並表示，已將事件向食環署投訴。
收藏
取消收藏
分享
