【點新聞報道】好人好事！攀樹師馬學銘日前與同事在油麻地一間中菜館午膳，合共233元，埋單時才發現只收現金，可一行人沒有足夠的現金，馬學銘從銀包掏出兩張100元鈔票，心想「大鑊，點算？」豈料老闆一手奪走鈔票並稱「得啦」。馬學銘大讚老闆是豪氣之人、好人又細心，直言「活咗30幾年真係未見過咁樣嘅老闆」。
攀樹師馬學銘在社交平台threads發文表示，周六(26日)與同事到油麻地一間中菜館午餐，共點了兩個燒味雙拼飯、一個咖哩牛腩飯和一個常餐，合消費233元。惟埋單時才發現只收現金「食完飯埋單，問坐喺收銀嘅老細，除咗現金仲可以俾咩？」老闆語氣有啲兇咁話「淨係收現金」，可是一行人均沒有足夠的現金，場面尷尬。
馬學銘其後從銀包掏出兩張100元鈔票，心諗「大鑊，點算？」不過，老闆的反應卻出乎意料，「老細一手搶咗兩張$100跟住佢講句『得啦』，我呆咗，我話『點得呀？』老細補多句『得啦』」。
馬學銘於是回應「我下次嚟俾返你」，老闆仍舊用有啲兇的語氣話「唔好講呢啲」。馬學銘直言「喺香港生活嘅人都知，比少一蚊都出唔到門口，活咗30幾年，真係未見過咁樣嘅老闆」。馬學銘事後發文大讚老闆是豪氣之人，「又好人、又細心」。而他當晚工作完成後，便返回食店還錢和請老闆飲啤酒。
帖文引起網民熱議，「好鐘意呢啲粗聲粗氣得嚟又好親切嘅對話，香港特色嚟」、「老闆好人，有人情味」、「個老闆用最惡嘅語氣做最溫柔嘅事」、「好多茶餐廳老闆表面好惡，其實好好人，好多時帶唔夠現金，都叫你下次比翻佢」。
對於帖文開首以「痴×線 香港點解會有呢啲老闆」為題，導致不少網民是批評食店，馬學銘就在帖文澄清，「唔好意思，我無講清楚，寫呢個post嘅角度，係想讚個老闆，我寫實地寫出同老闆嘅對話，完全冇貶義」。
（本文為作者觀點，不代表本媒體立場）
收藏
取消收藏
分享
