【點新聞報道】《陳慧琳Season 2萬人結界演唱會》,昨晚(26日)第九場演出,嘉賓請到電影好拍檔鄭伊健。原本因颱風改期的伊健,特意改機票留港,還爆Kelly私下隨身帶平安膏的反差萌。而Kelly被觀眾熱情感動,encore獻唱《You're the one》作結。

Kelly介紹伊健上台時透露,對方原定7月20日擔任嘉賓後離港,卻因颱風延期,最終成功改機票留低。二人合唱《甘心替代你》後,伊健分享一段鮮為人知的往事:「拍《東京攻略》ending時,我要喺零度跳海拍爆炸戲,凍到郁唔到等船接,點知突然見到Kelly伸出『神聖之手』!雖然拉唔到我上船,但佢特登走出嚟,呢份心意我一直記得。」Kelly聽完大笑:「真係全靠隻手!」

伊健繼續爆料:「當時拍動作戲搞到肌肉撕裂, Kelly竟然送盒粉紅色平安膏畀我!好感動,但真係唔多襯佢形象。」Kelly即反擊:「以前出埠最鍾意帶嘛!我同你合作多數喺海外,《東京攻略》喺東京、《幻影特工》喺馬來西亞、《盜馬記》喺布拉格,仲有30年前澳洲演唱會,所以今日專登着西芹裙歡迎!」伊健卻笑佢似「Big Bird」,又爆《甘心替代你》係自己首次同人合唱,嚇到Kelly瞪大眼:「真㗎?!」在Kelly換衫時,伊健唱出了《發現》外,現場反應熱烈。
完場時觀眾不肯離開,Kelly被觀眾熱情感動encore:「把聲開始沙,聽日仲有尾場,真係得返半條人命!送首少唱嘅《You're the one》畀大家。」為演唱會畫上溫馨句號。
(點新聞特約記者陳惠芳報道)



稿件由上傳 · 文責自負 · 不代表本網立場