【點新聞報道】近日，一張疑似公屋單位的窗口式冷氣機「反向安裝」的相片在網上引發熱議。只見相片中的冷氣機出風口朝向室外，致機器排出的熱氣流灌入屋內，網民笑稱「為世界降溫，大愛」。
帖文引起網民熱議，不少網民紛紛留言，「一機兩用」、「新款呀」、「呢張相係冬天影嘅，到咗夏天就會掉返轉」、「似乎係1機3用，又係冷氣機，又係暖風機，又係乾衣機，真係唔夠你玩」、「俾雀用嘅冷氣」、「裝都裝咗，試下啦」、「窗口式放棄（氣）機」、「原來冷暖空調係咁嘅」、「有雙頭筆，原來仲有雙頭機」、「益街坊」、「阿仔係樓下公園玩好熱㗎！」
亦有網民指出相片中關鍵細節，冷氣機疑似報廢，「睇清楚啲，部機得個殼」、「啲掣都無晒」、「我估純粹封住個口，唔使俾風入」、「可能部機壞咗唔想換，又唔想買過塊玻璃，咪用部舊冷氣塞住個窿先」。還有網民疑惑僅剩冷氣機外殼下雨屋內會否進水，另外有網民則認為業主可能洗緊冷氣機。
收藏
取消收藏
分享
稿件由上傳 · 文責自負 · 不代表本網立場
