【點新聞報道】「唱作王子」馮允謙（Jay Fung）今年第二首英文歌《Close to the Edge》MV昨（24日）晚上架，因為他一句「我想淋雨」而租水車拍攝，營造滂沱大雨照頭淋效果，豈料未拍完已水情告急。今次Jay首次與孖生細佬Tim Fung一齊填詞，他笑言最初以為會打交，結果合作愉快。
第一次拍落雨戲的Jay好興奮，說：「今次有好多得意事，首先就係book咗架水車，因為要扮落雨，原本睇天氣報告，以為會落雨，點知冇，所以要租水車。另一件得意事，就係拍到差唔多最後無晒水，而且最尾係高潮位，要越嚟越大雨，要諗點樣拍埋個ending。」結果用到最後一滴水，MV大功告成。
今次MV故事由Jay與導演一同創作，Jay說：「因為歌詞內容好適合落雨，我又未試過租架水車拍落雨戲，好想試被雨淋濕晒。我知道化妝師、髮型師和造型師都有好大concern（憂慮），髮型同埋個妝都甩晒，唔知似咩！但我唔理，我想做就要做！」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
