【點新聞報道】買生果要兩磅起跳？！商台DJ少爺占（甄子康）在網上分享在街市購買水果時遇到的困惑，他只希望購買一磅車厘子，但檔主堅持要買兩磅，事件引起網民兩極反應。
少爺占於本月20日社交平台threads發文，分享在街市買水果時的經歷，表示當時問生果檔檔主「車厘子幾錢磅？」，檔主回答「$60兩磅」。少爺占隨即表示想買一磅，「咁我要一磅，唔該」，但檔主要求他買兩磅，「要兩磅啦！」，少爺占解釋「一個人食唔晒，一磅得啦唔該」。
然而，檔主堅持「兩磅起跳」，回答「咁無啦」，少爺占追問「唔可以買一磅㗎？」，但不獲檔主理會，「之後佢冇理我，亦唔肯賣一磅俾我」。
帖文引起網民兩極反應，有網民批評檔主，認為這是不良營銷手法，「最憎呢啲迫人買兩磅」、「街市檔好鐘意恰生面口」、「所以買生果我只會去超市 貴啲都比，任揀不受氣！」、「唔識做生意，佢應該講『40蚊一磅，60蚊兩磅』」、「點解60蚊兩磅嘅車厘子，問下能否賣一磅都唔得？收佢35蚊磅都唔會蝕啦」。
不過，亦有網民指少爺占小事化大，「好少事啫，咪去第二檔囉，人地做生意有人地嘅規定 」、「人哋都講明$60兩磅，係最低消費，你仲話要一磅，人哋梗係唔蘇你啦，醒目啲啦，要聽得懂人哋嘅潛規則」、「買橙30蚊5個，聽過未？可唔可以要求買一個橙？買洗頭水買一送一，聽過未？可唔可以要求買一支？ 」、「商業交易，自由定價」、「我之前去街市買菜，都唔比買半斤」。
收藏
取消收藏
分享
稿件由上傳 · 文責自負 · 不代表本網立場
