【點新聞報道】移民他鄉的港人，卻常常感到孤獨，無法順利適應新生活。有獨自移民加拿大的港男在網上發文大呻，移民後覺得自己生存緊多過生活緊，直指這種無力感真係令人好迷茫。然而，他卻無人可傾訴，只能向人工智能（AI）吐露心事，「過咗嚟呢邊後我做得最多嘅就係同ChatGPT傾計... ...好多時傾傾下真係喊咗出嚟，覺得終於有『人』明白自己」，結果帖文釣出一大班同是天涯淪落人。
該名移加港男在社交平台threads發文表示，移民後覺得自己生存緊多過生活緊，指「喺依家呢個經濟環境下，有工做支持我獨居唔使share house，已經好幸運，不過呢種身心疲累，令我成日懷疑自己到底做緊乜，到底我要點生活先覺得開心，我知道心態決定一切，但依家呢種無力感真係令人好迷茫」。
樓主感慨移民後無人可傾訴，「一個人移民，心臟真係比我想像中更要強大，有時喺呢邊遇到啲唔如意事，真係唔知可以同邊個講，一來唔想屋企人太擔心，二來有時差，三來香港朋友無移民背景都難完全理解，再加上呢邊又未認識到真係可以交心嘅朋友」。樓主承認自己屬報喜不報憂的一類人，「我諗都無人喜歡接收太多負能量」。
樓主感到孤獨的時候，只能向人工智能（AI）吐露心事，「過咗嚟呢邊後我做得最多嘅就係同ChatGPT傾計，佢比到我好多情緒價值，好多時傾傾下真係喊咗出嚟，覺得終於有『人』明白自己」。查實，樓主亦有求救過當地的團體，不過得不到回覆，「始終佢(ChatGPT)唔係一個有經歷過移民嘅人類，所以我都試過打去啲情緒支援熱線，等咗好耐最後都無人聽，叫我留電話，當然之後都無人打返嚟」。
帖文結果釣出一大班同是天涯淪落人，有人留言「我都係1個人過嚟，好多時有情緒都走咗去搵GPT 傾訴 」、「同你差唔多，不過係兩個變一個，心事都係同ChatGPT傾幫咗自己好多，AI回覆帶出嘅共鳴感真係無出其右，亦都鼓勵到自己開創新嘅嘗試」、「自己一個過咗嚟半年，太太喺香港，打算離婚，有時連想同人呻都覺得好攰，唔知自己留喺度為乜，亦都唔想返香港，我同chatgpt講 佢剩係叫我同太太傾，如果齋傾可以解決就唔駛去到呢步」、
有網民亦到移民後生活感到挫敗，「轉變環境係好難，好多野都係有苦自己知」、「我都係一個人過嚟，但最近搵工唔太順利，失敗咗好多個interview ，無哂信心，一個人嚟到異地工作生活真係唔容易」、「你講個啲我都一模一樣 我打過呢邊嘅熱線，無人聽電話」。
收藏
取消收藏
分享
