【點新聞報道】TVB節目《東張西望》揭露一單網上詐騙陷阱，67歲嘅家庭主婦Yoyo（化名）喺網上遇上自稱任職電腦精算師的美男子，對方不時以老婆稱呼Yoyo，更發送私密照，令Yoyo心花怒放、慾火焚身，全程投入網戀關係，為對方不斷輸送資金高達50萬，導致背負巨額債務，直言「我跳樓都唔掂！」。
Yoyo公開二人所謂的戀愛經過，並透露她與結婚20年的丈夫早已過着有名無實的夫妻生活。當今年一月，收到陌生男子發來的親密照與甜言蜜語時，迅速解封多年情感的禁區，該男子自稱陳樂林，1979年出生於湖南長沙，「佢靚到『dum』一聲，比明星仲要靚仔，首先皮膚白靜，呢個一嚟，我成個人的呆咗。」
主持人輝仔問YoYo點解靚仔會鍾意你，YoYo回應：「我就係咁樣自己問自己，佢有車又有樓，又靚仔後生，有乜可能鍾意我？但係佢成日強調話歲數只係數字，唔係問題，還反問我『你沒有判斷力的嗎？』跟住我諗下又係喎，我幾十歲，自己嘅幸福梗係要自己搵架啦！」隨後，對方傳來身份證副本，YoYo卻質疑：「這身份證是假的，照片是貼上去的！」
在二人聊天期間，男方都會發送短片，不過總是有樣無聲，至於日常工作的片段，如跟朋友應酬吃飯、自己工作的後台，也一概不露面。YoYo分享了一段僅有男方聲音的短片，對方稱她為「老婆」：「老婆，你看，這是新葡京頂樓的風景，我剛洗完澡出來，你看一下這風景漂不漂亮？」就連視頻通話，YoYo的情深對話，都只能對着黑屏訴說。
YoYo表示，對方聲稱手機跌落浴缸，扻爆咗攝像頭，所以睇唔到佢個樣，而Yoyo亦選擇相信。對方更不時發送親吻圖案，令YoYo迷失理性，不惜傾家蕩產：「佢就發過一張性器官嘅照片畀我，唉，講到我真係心花怒放，跟住我睇到，唉，我話死喇，慾火焚身呀，你知架喇我哋女人，因為我已經係，我可以講話好多年係冇呢樣嘢，咁所以係咪好渴望？如果佢真人真係同你咁樣樣，咁你係咪好開心呀？係咪呀？所以咪一步一步咁樣聽佢講囉」。
已經愛得盲目的Yoyo，就算姨甥女曾提供證據證明對方身份造假，「網詐、電騙的人有乜可能會露面，根本無可能畀個樣你睇，佢唔驚你報警拉佢呀？」，直指呢個所謂嘅陳樂林係盜用整容師兼KOL王明杰嘅視頻及照片，而受害者更加唔止佢一個。王明杰本人亦有出聲明及發視頻以表清白，表示自己冇騙錢，呼籲大家慎防騙子。
不過，Yoyo仍選擇繼續相信「陳樂林」，反鬧姨甥女「你攞晒粗口嚟鬧我！我係你姨媽嚟㗎！」。其後，Yoyo開始多次入錢到陳樂林發送來嘅連結，更不惜四處借錢，前前後後入咗50幾萬。當Yoyo表示想取回金錢，「陳樂林」就諸多藉口，始終冇辦法攞返啲錢。
欠債累累，債主臨門終於追上門，無力償還的Yoyo向對方表示「諗住有吖嘛...有咪畀你囉，點知冇啫」。
事件曝光後，隨即引起網民熱議，紛紛留言「歲數唔係問題，智商先至係!」、「笑到噴飯，事主而家好似回味緊咁， 乜唔係俾人呃之後應該唔開心㗎咩」、「幾十歲都唔化，追求愛情咁易咩，貪色都係貪，貪字得個貧」、「之前個亞婆比劉德華呃，都夠晒經典，而家呢個亞婆仲正！！！67歲純愛戰神」、「主持輝仔都幾好戲忍到笑之餘重一臉凝重樣」、「笑到噴火！！原來老婆婆還懷有一顆春………夢！」
有網民大讚姨甥女機智，「個姨甥女好機智值得讚賞， 個老人家唔清醒都冇辦法」、「好好笑，不過佢老公同姨甥女真係好慘」、「真係自己攞嚟，幫佢又唔聽，又要鬧返人轉頭，人哋隨時做得佢個孫啦，真係無嘢値得同情」。
收藏
取消收藏
分享
