
【點新聞報道】移英港人從事低技術工作早就不是新聞,惟當中不少人實在熬不下去,決定回流香港。有移英港男在網上發文直指「英國真係垃圾地方,移民等於自毁前程」,不忿自己讀咁多書,喺英國只能做店員賣電話,大呻好後悔移民英國,並決定回流返港。
有移英港男早前在社交平台threads發文表示,「英國真係垃圾地方,移民等於自毁前程。我都唔知點解人生讀咁多書,入apple做工程師,科大Imperial double master,喺英國仲係做緊店員賣電話」。樓主直言「我都好後悔嚟英國,盡毁前程」,因此已決定回流,並已覓得工作,「已經搵到工嚟緊會係經常返大陸出差」。
有移英網民質疑樓主「何必當初」,「你決移民嘅時候唔係已經諗好晒可能會發生嘅情況咩?亦都預期可能有呢啲情況發生呢?接受唔到嘅當初就唔好做呢個決定,做咗決定就承擔後果」。樓主回覆時坦言「接受咗後果都可以後悔,兩者冇衝突㗎」。
有網民直指中產移民冇着數,「講真如果你喺香港係高薪厚職,中產以上真係唔建議離港移民英國,真係未必得到你想要嘅嘢,除咗本passport。」、「無小朋友,香港一個月搵到8萬HKD以上,都建議留港。外國唔係有學歷同錢就大晒,好多『個人因素』會令人有合適都唔請」。
有人網民認為回流是個人選擇,「畀錢過緊啲唔快樂嘅生活係好難受嘅... ....回流就好」、「回流不是壞事,試過唔啱就算」。



稿件由上傳 · 文責自負 · 不代表本網立場