
【點新聞報道】「職安真漢子」吳浩康(Deep)近日又有新搞作,其真漢子形象獲廣告商垂青,邀請他為著名歐洲啤酒品牌拍攝最新一輯平面廣告,成功憑Man爆形象晉身為星級啤酒KOL。
近年轉換人生跑道的吳浩康,成為廣告界的新寵兒,不時接拍廣告,Deep表示:「剛收到品牌合作邀請覺得好驚喜,估唔到自己平時放工鍾意飲返杯,飲到可以拍廣告,賺到奶粉錢,真係好感恩客戶支持。」
為了向一眾身邊的朋友、同事推薦這款啤酒,Deep更揚言會自陶腰包萬歲,收工時請大家齊齊歎杯放工啤鬆一鬆。Deep說:「呢排天氣咁熱,我哋戶外工作有時都幾攞命,所以收工都會同啲同事搵個地方嘆下冰凍啤酒,收工飲幾杯,真係好爽,充充電。」
原來Deep本人也是該品牌的忠實粉絲,「品牌留意到我IG,見我平時自己又或者同啲同事收工有時飲返杯,都係飲佢哋品牌嘅啤酒,覺得我呢個用家身份好有說服力,所以決定搵我拍今輯廣告,無諗過貼地生活都可以帶嚟工作機會,仲可以係老婆面前威返次,寓飲酒於工作,呢啲機會真係好難得,哈哈!」
為配合今次廣告的主題,製作單位特別安排一間港式餐廳為廣告場景,現場還準備了多款特色的大排檔鑊氣小炒和冰凍的啤酒,完美呈現放工飲返杯的輕鬆氣氛,「攞正牌又飲又食,真係爽到爆!」。



稿件由上傳 · 文責自負 · 不代表本網立場