【點新聞報道】正所謂「物離鄉貴，人離鄉賤」，不少決定回流的港人總算清醒了，寧願放下面子低低地躀一鋪。有移英港人發文話「身邊其實都有幾個人回流，有人三個月就返香港，有人兩年返香港」。
有移英港人早前在社交平台threads發文話，在網上見到好多回流的帖文，直言身邊亦有人選擇回流，「話說身邊其實都有幾個人回流，有人三個月就返香港，有人兩年返香港」。不過，樓主認為應尊重回流決定，「只要唔好搞到身邊既人唔開心... ....當時人搵到自己適合同理想既生活就ok」。
查實不少移英港人當初耳仔軟，聽人氹兩句就盲舂舂咁話要一齊走，沒有考慮清楚自己有無足夠嘅能力，有移英網民留言指「其實呢類人回流，預咗，因為好多未去過外國生活過，冇考慮清楚，但我奇怪的是一啲去咗10幾20年嘅都回流，有加拿大、有美國，可想以知美洲現在有幾差」。
有移英網民則揶揄當初咪又係為咗本英國護照，「好多人移居係為本護照同免費英式教育」、「英國係因為差唔多接近一定比英國護照，大家先會過嚟啫」。有人就直指「正所謂 條路自己揀，Ｘ街唔好喊！移英、留港、回流都一樣 」。
收藏
取消收藏
分享
稿件由上傳 · 文責自負 · 不代表本網立場
